УТРЕ ПАНЕЛ-ДИСКУСИЈА НА ИМА: „МЕДИУМИТЕ И КАМПАЊИТЕ СО ДЕЗИНФОРМАЦИИ И ГОВОР НА ОМРАЗА ПРОТИВ РОДОВА И СЕКСУАЛНА ЕДНАКВОСТ“

Утре, Институтот за медиуми и аналитика ИМА организира панел-дискусија: „Медиумите и кампањите со дезинформации и говор на омраза против родова и сексуална еднаквост“ (29.06.2023, во Хотел Сити Парк во Скопје, со почеток во 12 часот).

Панелисти на оваа дискусија се Драгана Дрндаревска (Коалиција Маргини), Кире Василев, (Дијалог – Центар за делиберативна демократија), Давид Тасевски (Скопски квир центар), Вики Младенова (докторантка на меѓународни студии на Универзитетот за ориенталистика во Неапол) и Жарко Трајаноски (раководител на истражувања во Институтот за медиуми и аналитика ИМА).

Модератор на настанот е Петрит Сарачини. По излагањата на панелистите е предвидена и дискусија со учесниците и присутните на настанот.