Instituti për Media dhe Analitikë IMA shpall me krenari fillimin e projektit më të ri “Lufta kundër dezinformatave – Luftë për Demokraci”, i financuar nga Fondi i Kulturës së Solidaritetit i Fondacionit Kulturor Evropian (Edicioni i Rezistencës së Demokracisë). Kjo nismë synon të fuqizojë influencuesit e rinj në mbarë Ballkanin Perëndimor për të luftuar dezinformatat, gjuhën e urrejtjes dhe përmbajtjet e dëmshme onlajn, duke promovuar njëkohësisht kulturën e empatisë, demokracinë dhe angazhimin aktiv qytetar.
Projekti, i cili do të zbatohet deri në fund të këtij viti, do të angazhojë 12 influencues të rinj – aktivistë, artistë dhe krijues të përmbajtjes – nga gjashtë vende të Ballkanit Perëndimor: Maqedonia e Veriut, Shqipëria, Serbia, Mali i Zi, Bosnja dhe Hercegovina dhe Kosova. Pjesëmarrësit, secili me prani të konsiderueshme në mediat sociale, do të fitojnë trajnime ekspertësh për të zbuluar dhe kundërshtuar narrativat dezinformuese. Nëpërmjet bashkëpunimit, ata do të hartojnë dhe zbatojnë fushatë në mediat sociale të frymëzuar nga slogani “Lufta kundër dezinformatave – Luftë për Demokraci”.
Fushata do të fokusohet në adresimin e narrativave dezinformuese më aktuale që janë specifike për rajonin, duke synuar të rinjtë, veçanërisht nga grupet e cenueshme si gratë, individët LGBTIQ+, pakicat etnike dhe fetare dhe personat me aftësi të kufizuara. Influencuesit do të prodhojnë përmbajtje digjitale kreative si video, reels-e dhe storie të shkurtra në gjuhët lokale dhe në gjuhën angleze, me qëllim për të frymëzuar besimin në institucionet demokratike dhe për të inkurajuar pjesëmarrjen aktive qytetare.
Iniciativa gjithashtu thekson rëndësinë e bashkëpunimit ndërkufitar dhe solidaritetit. Partneritetet me organizata si Zyra Rajonale për Bashkëpunim Rinor (RYCO) dhe OJQ Esperanca – Qendra Botërore e Kulturës do të përforcojnë ndikimin e projektit në mbarë Evropën. Këto bashkëpunime synojnë të ndërtojnë një popullatë rinore më të qëndrueshme dhe më të arsimuar mediatikisht, që do të jetë me e pajisur për të njohur dhe luftuar dezinformatat në epokën digjitale.
Thirrje e hapur për influencues: Lufta kundër dezinformatave – Luftë për Demokraci 🎥✨
Përshëndetje krijues! A jeni gati t’i bashkoheni një lëvizjeje që bën ndryshim? 🌟
Po kërkojmë 12 influencues, aktivistë, artistë dhe podkasterë të talentuar nga Ballkani Perëndimor (me moshë 18–27 vjeç) për bashkëpunim në një projekt kreativ që lufton dezinformatat dhe promovon demokracinë. 💪🌍
Ja se çfarë fitoni:
🎓 Trajnim nga ekspertë të shquar për të zbuluar dhe luftuar dezinformatat, gjuhën e urrejtjes dhe përmbajtjet e dëmshme.
🤝 Punë me ekspertë dhe influencues të tjerë nga rajoni për të hartuar dhe nisur një fushatë me ndikim në mediat sociale.
💡 Fitoni 1000 € (bruto) për të krijuar përmbajtje kreative (reels-e, storie, tregime të shkurtra, etj.), me të cilat do të trajtoni çështjet që janë më të rëndësishme për të rinjtë në vendin tuaj.
Çfarë kërkojmë:
- Ke të paktën 10,000 ndjekës në profilet tuaja të mediave sociale.
- Ke pasion për krijim të përmbajtjes që promovon ndryshime pozitive.
- Je i/e gatshëm/e të bashkëpunosh dhe të krijosh fushatë rajonale të inspiruar nga slogani “Lufta kundër dezinformatave – Luftë për Demokraci”.
- E njeh mirë gjuhën angleze.
Datat e rëndësishme:
📝 Afati për aplikim: 10 prill 2025
🌟 Trajnimi dhe zhvillimi i fushatës: maj-tetor 2025
Mos e humb këtë shans që të përforcosh zërin tënd, të fitosh mentorim ekspertësh dhe mundësi për ndikim të vërtetë në komunitetin tënd. Je gati për t’u bashkuar? Kliko këtu dhe Apliko tani!
—
Ky projekt u mundësua falë mbështetjes financiare të Fondit të Kulturës së Solidaritetit, i mundësuar nga Fondacioni Kulturor Evropian




