15 nëntor 2025 (e shtunë) | 19:00 | Qendra – Jadro, Shkup
Këtë fundjavë, Hub-i Interkultura Shkup e organizon mbrëmjen multimediale “Vitet e Jetës së Rrezikshme” — me program që kombinon performancën, filmin, videon, dizajnin grafik dhe muzikën elektronike në një përvojë të vetme urbane. Pjesëmarrës janë gjashtë autorë të rinj që janë pjesë e linjës më të gjallë dhe progresive të skenës kulturore të Shkupit: kritikë ndaj realitetit, të pakompromis në eksperimentim dhe të hapur ndaj dekonstruksionit të normave shoqërore.
Krsto Gligorjadis, “Aftësi për t’u Rikthyer në Jetë” (performancë)
“Duke hedhur poshtë iluzionin se të jesh gjallë do të thotë vetëm të ndjehesh mirë, ne mbështesim veten dhe njëri-tjetrin për të ndjerë gjithçka, të mbajtur nga komuniteti ynë i kujdesshëm.” – performancë multidisiplinare që e trajton trupin si një vend rezistence dhe shërimi; ajo vë në pikëpyetje narrativën patriarkale dhe riafirmon cenueshmërinë si një forcë transformuese.
Ana Vëçkovа, “AJO”, 5’38’’ (video)
“Kaosi brenda nesh reflektohet heshturazi edhe jashtë nesh, por ne rrallë – pothuajse kurrë – e lejojmë të zbulohet. Vepra është një dialog dhe një katarsis, një udhëtim nëpër kaosin që mbajmë brenda, përmes mohimit dhe pranimit të tij – në një kërkim të vazhdueshëm për paqe brenda shqetësimit bashkëkohor. A kemi vërtet nevojë të ‘pastrohemi’ nga të gjitha ‘papastërtitë’, apo janë në fakt gjurmë të njerëzisë sonë, fragmente që ideali shoqëror përpiqet t’i fshijë?”
Batuhan Ibrahim, “Mavera” (film i shkurtër)
“Të frymëzuar nga ngjarje të vërteta, personazhet pasqyrojnë një popull që përballet me labirinte absurde administrative çdo ditë. Akti i fundit i Biljanës është një britmë e saj personale dhe kolektive, një shpërthim zemërimi ndaj sistemit që e mbyt. Estetika bardhë e zi pasqyron klaustrofobinë dhe mungesën e shpresës. Perceptimi i Biljanës është realiteti i vetëm, ndërsa të gjithë personazhet e tjerë janë të depersonalizuar, pa identitete dhe me zëra të turbullt – kështu historia bëhet universale…”
Teano Kardula, “Pa drejtim” (projeksion posterash dhe dizajnesh grafike)
“Pa drejtim” është një koleksion krijimesh spontane të frymëzuara nga ngjarjet aktuale dhe përvojat personale. Veprat komunikojnë ndryshime shoqërore dhe kujtojnë histori të harruara, por rishtazi relevante. Stilet dhe qasjet vizuale të ndryshme pasqyrojnë një proces vetë-eksplorimi dhe një kërkim për gjuhën vizuale që përcjell më së miri mesazhin e secilës vepër. Dizajni grafik nuk është vetëm estetikë – ai flet dhe dëshmon për botën përreth nesh.
Sonja Ismail, DJ set
Energji që e bën podiumin e vallëzimit të valëzohet dhe të ndërtojë komunitet. Një set pa korse të zhanrit, që çliron dhe lëviz.
DJ Jojo – Gjorgi Pulevski, DJ set
Bas i thellë dhe melodi të ngrohta; një urë zanore midis skenës, rrugës dhe komunitetit. Nga hip hop te disko dhe house — një set që tregon tregime urbane.
Kjo ngjarje i dedikohet skenës së pavarur, artit feminist dhe i komunitetit LGBTI+, si dhe kulturës së komuniteteve të vogla, të cilat vite me radhë nuk kanë marrë mbështetjen të mjaftueshme institucionale. Mbështetja e këtyre praktikave është investim në pluralizëm dhe diversitet si një shtyllë e politikave kulturore bashkëkohore. Me programin “Vite të Jetës së Rrezikshme” u japim skenë të përshtatshme autorëve të rinj, por tashmë të provuar, duke i dhënë hapësirë empatisë, mendim kritik dhe aktivizimit kulturor në qytet.
Kjo ngjarje e projektit “Hub-i Interkultura Shkup” të KSP Qendrës – Jadro, në partneritet me Qendrën Kulturore Botërore Esperanza dhe Institutin për Media dhe Analitikë IMA mbështetet nga programi “Vaha 3: Kthimi i Hapësirave Publike përmes Artit dhe Kulturës në Solidaritet”. Vaha është Iniciativë e Anadolu Kultur dhe Zusa, e financuar nga Fondacioni Mercator dhe Fondacioni Kulturor Evropian.
—
