Publikim: “Diskriminimi dhe gjuha e urrejtjes në mediat dhe komunikimin publik (analiza)”

Publikimi “Diskriminimi dhe gjuha e urrejtjes në mediat dhe komunikimin publik (analiza)” sjell analiza autoriale nga Biljana Georgievska – gazetare dhe drejtoreshë ekzekutive e Këshillit për Etikë në Media në Maqedoni, Sllavica Anastasovska – Komiteti i Helsinkit për të Drejtat e Njeriut dhe m-r Manja Veliçkovska, m-r Gracija Atanasovska dhe m-r Sara Milenkovska – hulumtuese nga Koalicioni MARGJINAT. Autoret kanë përvojë shumëvjeçare në media dhe në zbatimin e hulumtimeve në organizata që veprojnë në fushën e të drejtave të njeriut.

Përmes analizimit të shembujve dhe rasteve studimore nga përmbajtjet mediatike dhe rrjetet sociale, analizat autoriale në këtë publikim i detektojnë format dhe narrativat kryesore të shkeljeve të të drejtave të njeriut, gjuhës së urrejtjes dhe diskriminimit në media dhe rrjetet sociale, me fokus mbi grupet shoqërore dhe individët që janë më së shpeshti në shënjestër të përmbajtjeve të tilla, të cilat shpesh përmbajnë dezinformata, gjuhë diskriminuese, gjuhë të urrejtjes, por edhe thirrje për dhunë. Analizat sjellin edhe konkluzione dhe rekomandime për zgjidhje të mundshme, të cilat do të kontribuonin për ballafaqim më të mirë me këto shkelje në komunikimin mediatik dhe publik.

Publikimi është pjesë e aktiviteteve të Institutit për Media dhe Analitikë IMA, të mbështetura nga Fondi Evropian për Demokraci (European Endowment for Democracy) nga Brukseli, dhe është një kontribut në realizimin e angazhimeve të IMA-s për avancimin e demokracisë dhe të drejtave të njeriut, përmes bashkëpunimit me institucionet, organizatat e shoqërisë civile dhe mediat për përballje me dëmet nga polarizimi, gjuha e urrejtjes, dezinformatat dhe sulmet ndaj mendimtarëve kritikë në media dhe në komunikimin publik.

Publikimi mund të zbritet këtu:

Diskriminimi dhe gjuha e urrejtjes në mediat dhe komunikimin publik (analiza)