Në këtë edicion të shortkastit “Çfarë ka të re?” të IMA-s me Petrit Saraçinin, i ftuar është Limko Bejzaroski, kryetar i Komisionit për Parandalimin dhe Mbrojtjen nga Diskriminimi (KPMD), i cili flet pët format më të shpeshta të diskriminimit në shoqërinë tonë.
Në pritje të Paradës së Krenarisë, kur zakonisht ka një rritje të gjuhës së urrejtjes dhe gjuhës diskriminuese ndaj komunitetit LGBTQI+, Bejzaroski theksoi se kjo gjendet kryesisht në deklaratat e figurave të shquara në media dhe në postimet dhe komentet në rrjetet sociale, por edhe se në vitin e fundit ka pasur një rënie të ankesave mbi këtë bazë në Komision.
“Në vitet e mëparshme, kishim një numër shumë më të madh ankesash, ndërsa në vitin 2024 ato ankesa kanë rënë ndjeshëm… Një nga faktorët është për shkak të bashkëpunimit me Qendrën Queer dhe shumë çështje që prekën këtë problematikë janë zgjidhur përmes punës së Komisionit… Kemi disa vendime, kemi ndërmarrë veprime, kemi paraqitur disa kallëzime kundërvajtjeje në organin përkatës gjyqësor, ku kemi edhe vendime. Hasim ngacmime dhe gjuhë urrejtjeje në media… Njerëz me publikime, njerëz që shfaqen në media si mysafirë, pastaj kemi pasojën e kësaj me komente dhe shpërndarjen e deklaratave të caktuara nga figura të shquara që janë të njohura në shoqëri”, vuri në dukje Bejzaroski.
Ai tregoi se është i shqetësuar për rritjen e diskriminimit bazuar në përkatësinë kombëtare, fetare dhe etnike në institucionet publike. Prandaj, Komisioni, duke përpunuar raste, duke dhënë rekomandime dhe duke kryer trajnime, po punon për të zvogëluar këtë formë diskriminimi.
“Fatkeqësisht, e vërteta është e tillë, reale, se në sektorin publik kemi një numër në rritje të diskriminimit bazuar në përkatësi etnike, fetare, politike. Dhe, kjo na shqetëson të gjithëve si shoqëri dhe na inkurajon të vazhdojmë të luftojmë së bashku për të zvogëluar ose mposhtur këtë të keqe, e cila shkakton dëme të vërteta për të gjithë ne si qytetarë, sepse me këtë shteti bëhet refuzues për të gjithë qytetarët dhe procesi i emigrimit nga Maqedonia po rritet seriozisht, sepse liria ligjore dhe mbrojtja ligjore janë të kërcënuara”, theksoi Bejzaroski.
Bejzaroski foli gjithashtu për bashkëpunimin e Komisionit me institucionet shtetërore, diskriminimin politik që është shumë i pranishëm në shoqërinë tonë dhe luftën kundër gjuhës së urrejtjes.
Shikoni dhe dëgjoni më shumë rreth këtyre temave në bisedën me kryetarin e KPMD, Limko Bejzaroski në shortkastin “Çfarë ka të re?”.


