Publikimi: “Polarizimi etnik në mediat dhe komunikimin publik gjatë proceseve zgjedhore (analiza)”, sjell analiza nga Zharko Trajanoski – drejtues i hulumtimeve në IMA, prof. dr. Mirjana Maleska – profesoreshë universitare e shkencave politike dhe prof. dr. Sefer Tahiri – profesor universitar i gazetarisë dhe shkencave të komunikimit, autorë të dalluar me përvojë shumëvjeçare në hulumtimin e komunikimit politik dhe mediatik lidhur me marrëdhëniet ndëretnike.
Qëllimi i analizave është të zbulojë narrativat dhe modelet kryesore të polarizimit etnik në raportimin mediatik dhe komunikimin publik të pjesëmarrësve në proceset zgjedhore në vend, si dhe të shpalosë zgjidhjet e mundshme për zvogëlimin e dëmeve të shkaktuara nga polarizimi etnik i shoqërisë.
Publikimi është pjesë e aktiviteteve të Institutit për Media dhe Analitikë IMA të mbështetura nga Fondi Evropian për Demokraci (European Endowment for Democracy) nga Brukseli, dhe është një kontribut në realizimin e angazhimeve të IMA për promovim të demokracisë dhe të drejtave të njeriut, përmes bashkëpunimit me institucionet, organizatat e shoqërisë civile dhe mediat, në drejtim të ballafaqimit me dëmet nga polarizimi, gjuha e urrejtjes, dezinformatat dhe sulmet ndaj mendimtarëve kritikë në media dhe në komunikim publik.
Publikimi mund të zbritet këtu:
Polarizimi etnik në mediat dhe komunikimin publik gjatë proceseve zgjedhore


