Publikim: “Ballafaqimi me dezinformatat në rrjetet sociale – sfidat dhe perspektivat (analiza)”

 

Publikimi “Ballafaqimi me dezinformatat në rrjetet sociale – sfidat dhe perspektivat (analiza)” sjell analiza autoriale nga dr. Snezhana Trpevska nga Instituti RESIS, Svetllana Siljanoska – konsulente për komunikime strategjike dhe ballafaqim me dezinformata, dhe Filip Stojanovski nga Fondacioni Metamorfozis. Autorët kanë përvojë shumëvjeçare në zbatimin e projekteve, hulumtimeve dhe analizave në fushën e mediave dhe komunikimit publik, një pjesë e të cilave kanë të bëjnë me ballafaqimin me dezinformatat dhe llojet e tjera të përmbajtjeve të dëmshme në rrjetet sociale dhe në media.

Përfundim i përbashkët i analizave në këtë publikim është se rrjetet sociale përdoren si kanal kryesor për shpërndarje të dezinformatave, përmbajtjeve manipuluese dhe të dëmshme, të cilat kanë pasoja serioze për shoqëritë demokratike dhe të drejtat e njeriut, si dhe për pjesëmarrjen e qytetarëve në proceset vendimmarrëse, përfshirë proceset zgjedhore. Analizat trajtojnë disa aspekte të rëndësishme, duke përfshirë legjislacionin evropian dhe nacional si dhe mekanizmat për parandalimin e përhapjes së dezinformatave dhe përmbajtjeve të dëmshme në onlajn platformat e mëdha, shembuj të ndikimit të tyre dhe mënyrave të trajtimit në më shumë vende, si dhe rolin e shënjuesve të besuar dhe verifikimit të fakteve në ballafaqimin më këto fenomene.

Analizat gjithashtu japin rekomandime për zgjidhje dhe veprime që mund të ndërmerren nga institucionet, sistemi arsimor, organizatat mediatike dhe të shoqërisë civile, si dhe nga aktorë të tjerë në shoqëri, që do të kontribuonin për ballafaqim më të mirë me këto sfida, duke theksuar nevojën për një qasje të përbashkët dhe të koordinuar nga e gjithë shoqëria dhe të gjitha palët e interesuara.

Publikimi është pjesë e aktiviteteve të Institutit për Media dhe Analitikë IMA, të mbështetura nga Fondi Evropian për Demokraci (European Endowment for Democracy) nga Brukseli, dhe është një kontribut në realizimin e angazhimeve të IMA-s për avancimin e demokracisë dhe të drejtave të njeriut, përmes bashkëpunimit me institucionet, organizatat e shoqërisë civile dhe mediat për përballje me dëmet nga polarizimi, gjuha e urrejtjes, dezinformatat dhe sulmet ndaj mendimtarëve kritikë në media dhe në komunikimin publik.

Publikimi në gjuhën shqipe mund të zbritet këtu:

Ballafaqimi me dezinformatat në rrjetet sociale – sfidat dhe perspektivat (analiza)